North Wales

Atyniadau adeiledig

Ceir nifer o atyniadau adeiledig yn Barcelona. Mae nifer ohonynt yn rhai diwylliannol a rhai wedi eu hadeiladu’n bwrpasol. Ymysg y rhai pwysicaf mae:

1. Y Sagrada Familia
2. Amgueddfa Picasso
3. Parc Guell
4. Las Ramblas

Y Sagrada Familia yw’r tirnod eiconig mwyaf anghyffredin y ddinas. Mae’n eglwys gadeiriol anorffenedig a gynlluniwyd gan y pensaer Gaudi. Mae’n denu miloedd o ymwelwyr bob blwyddyn oherwydd y modd unigryw y cafodd ei chodi a’r ffaith ei bod yn dal i gael ei hadeiladu 100 mlynedd ar ôl i’r gwaith gychwyn.

Parc Guell Cynlluniwyd y parc anghyffredin hwn ar ben bryn hefyd gan Gaudi ac mae wedi dod yn un o drysorau Barcelona. Mae mynediad i’r parc yn rhad ac am ddim ac yma ceir sawl cerflun, grisiau, llwybrau a meinciau i gyd o cerameg toredig aml-liw a elwir yn trencadis.

Mae Amgueddfa Picasso yn olrhain gyrfa un o artistiaid enwocaf y cyfnod modern. Yr amgueddfa hon yw’r atyniad mwyaf poblogaidd i ymwelwyr yn y ddinas. Las Ramblas yw’r brif stryd sy’n mynd drwy ganol y ddinas.

Mae pob rhan yn wahanol gyda nifer o stondinau yn gwerthu amrywiaeth o bethau o flodau i adar mewn cewyll. Ar hyd Las Ramblas gall ymwelwyr fwynhau diod neu bryd mewn caffi awyr agored neu dreulio amser yn gwylio nifer o artistiaid a pherfformwyr stryd yn meimio ar hyd y stryd.

Mae’r strydoedd ochrol o’r brif stryd, yn llawn o siopau diddorol, amrywiol y mae’r ymwelwyr yn mwynhau ymweld â hwy.

Gwibdaith ddiwrnod boblogaidd yw’r un o Barcelona i barc thema Port Aventura yn Salou. Prin awr mewn bws yw’r daith yno.

Mae Port Aventura yn un o’r parciau thema mwyaf yn Ewrop ac mae’n darparu diwrnod llawn o hwyl a gweithgareddau yn cynnwys Dragon Kahn, y ffigar-êt mwyaf yn Ewrop.

1. Rhagymadrodd
2. Lleoliad a hygyrchedd
3. Atyniadau Naturiol
4. Atyniadau Adeiledig
5. Cyfleusterau
6. Hinsawdd
7. Diwylliant a threftadaeth
8. Digwyddiadau ac adloniant
9. Effaith twristiaeth
10. Cynaliadwyedd
11. Marchnata
12. Agweddau a diwylliant
13. Gweithgareddau