Hafanu

Beth yw Tân?

• Sut mae tân yn lledaenu?
• Cwestiwn 1

Mwg

Rhagofalon Tân

• Drysau Tân
• Cwestiwn 2
• Llwybrau Diogel
• Allanfeydd Tân
• Arwyddion
• Goleuadau Brys
• Man Ymgynnull
• Systemau Ysgeintellau Awtomatig
• Diffoddwyr Tân

Diogelwch Tân yn y Cartref

• Cynllun Tân yn y Cartref
• Ffonio’r Gwasanaethau Brys

Galwadau Ffug

Llosgi Bwriadol

Tasgau

• Tasg 1
• Tasg 2

Gwefannau

Ffonio’r Gwasanaethau Brys

Mae hyn yn gallu bod yn anoddach na feddyliwch ... mae’n debyg y bydd arnoch chi angen help ar frys ac yn poeni’n ofnadwy. Weithiau, pan fyddwn ni mewn panig, nid yw ein meddwl yn gweithio cystal.

• Deialwch 999
• Siaradwch yn araf ac yn glir
• Gofynnwch am y gwasanaeth sydd angen
• Rhowch eich cyfeiriad llawn gan gynnwys y dref a’r cod post
• Eglurwch os oes unrhyw un yn sownd ac ym mha ystafell maen nhw’n sownd
• Eglurwch os oes unrhyw un wedi’i anafu neu’n anabl.

Galwadau Ffug

Mae effeithiau galwadau ffug yn gallu bod yr un mor ddinistriol ac mae’n bwysig deall y gallai canlyniadau galw’r gwasanaethau brys heb fod angen fod yn ofnadwy. Mae galwadau ffug yn costio bywydau... mae’r amser mae’r injan dân yn cymryd i deithio i’r cyfeiriad anghywir i alwad ffug, yn amser a gollir wrth geisio mynd at argyfwng go iawn.

Os gwneir galwadau ffug o ffôn symudol, gellir datgysylltu’r ffôn ac ni ellir ei ddefnyddio wedyn.

Mae galwadau ffug yn anghyfreithlon a gallwch gael cosb o hyd at £5000 neu 6 mis yn y carchar.

Llosgi Bwriadol

Mae tanau bwriadol yn llawer rhy gyffredin yn anffodus ac yn cael effaith enfawr ar ein cymunedau.

Dyma ystadegau gan The Arson Prevention Bureau.

Bob wythnos yn y DU:

Mae 2,213 achos o losgi bwriadol.
Mae llosgi bwriadol yn lladd 2 o bobl.
Mae llosgi bwriadol yn anafu 53 o bobl.
Mae 20 o ysgolion a cholegau yn cael eu difrodi neu’u dinistrio gan losgi bwriadol.
Mae 262 o gartrefi yn cael eu dinistrio neu’u difrodi gan losgi bwriadol.
Mae 360 o fusnesau ac adeiladau cyhoeddus yn cael eu dinistrio neu’u difrodi gan losgi bwriadol.
Mae 1,402 o geir yn cael eu dinistrio neu’u difrodi gan losgi bwriadol.

Mae llosgi bwriadol yn costio £53.8 miliwn i economi Cymru a Lloegr pob wythnos.

Mae llosgi bwriadol yn drosedd ddifrifol iawn y mae’r gyfraith yn ei chosbi’n llym, a charchar yw’r llymaf.