Mae maeth ar gyfer chwaraeon yn seiliedig ar ddealltwriaeth o'r ffordd y mae maetholion megis carbohydrad, braster a phrotein yn cyfrannu at y cyflenwad o danwydd sydd ei angen ar y corff i ymarfer.

Mae'r ffordd y mae symudiadau yn digwydd yn cyfrannu at berfformiad llwyddiannus. Mae'r system ysgerbydol a chyhyrol yn cydweithio'n agos a chyfeirir atynt fel y system gyhyrysgerbydol. Bydd y system hon yn helpu i ddadansoddi symudiadau a gwella techneg.

Mae'r flwyddyn ymarfer wedi'i rhannu'n dri chyfnod, sef cyn y tymor, yn ystod y tymor a'r tu allan i'r tymor, ac mae'r dulliau a'r mathau o ymarfer yn adlewyrchu'r gamp a'r adeg benodol o'r flwyddyn, e.e. llawer iawn o ymarfer dwysedd uchel yn ystod y cyfnod cyn i'r tymor ddechrau.

Mae'n bwysig bod athletwr yn ymarfer mor benodol â phosibl er mwyn paratoi ar gyfer cystadleuaeth. Mae hyn yn golygu dewis y dulliau mwyaf priodol o ymarfer i gyd-fynd â'r elfennau o ffitrwydd sy'n cael eu defnyddio yn y gamp.

Wrth wella eich perfformiad mewn chwaraeon, mae'n anochel bod ymarfer yn ystyriaeth allweddol er mwyn i chi wneud cynnydd. Gall ymarfer fod yn fuddiol i chi, p'un a yw'n llosgi calorïau wrth geisio colli braster corfforol neu'n ceisio cynyddu cyflymder ar gyfer eich camp benodol. Fodd bynnag, er mwyn gwneud gwelliannau ymarfer parhaus cyson, mae Egwyddorion ymarfer yn hanfodol er mwyn gwneud cynnydd. Er mwyn sicrhau gwelliannau ymarfer, y 3 egwyddor ymarfer bwysicaf yw penodolrwydd, dilyniant a gorlwytho.