Parc Cenedlaethol Eryri – Cyfrifoldebau Iechyd a Diogelwch
Gweithgaredd 1
Gan weithio gyda phartner, awgrymwch beth, yn eich barn chi, yw cyfrifoldebau Awdurdod y Parc Cenedlaethol tuag at bobl sy’n ymweld ag Eryri.
Gweithgaredd 2
Yn y panel isod mae enghraifft o ysgrifennu Saesneg sy’n anodd ei ddeall ac y gellid ei symleiddio.
Ysgrifennwch fersiwn a fyddai’n gliriach ac yn haws ei ddeall. Ar ôl i chi orffen eich fersiwn chi, cliciwch ar y panel isaf i weld y fersiwn a ddefnyddiwyd mewn gwirionedd.
‘Despite the challenging weather conditions, my first ascent to the summit of Snowdon was most exhilirating. My companion, David, had recently purchased a new pair of walking boots from a reputable retailer and he stated that they offered wonderful cushioning compared to his previous pair.’
Eich fersiwn chi:
‘Despite the poor weather, my first walk to the top of Snowdon was very exciting. My friend, David, had recently bought a new pair of walking boots from a good shop and he said that they were much more comfortable than his last pair.’
Nid yw darparu gwybodaeth glir a manwl gywir ar gyfer ymwelwyr bob amser mor hawdd ag y mae’n ymddangos ar y cychwyn. Mae angen i’r wybodaeth fod yn glir ond heb ddefnyddio gormod o eiriau.
Gweithgaredd 3a
Astudiwch y wybodaeth yn y delweddau sy’n dangos gwybodaeth a gymerwyd o baneli dehongli ar gyfer Llwybr y Mwynwyr a Llwybr Pyg. Mae’r ddau lwybr yn dechrau o faes parcio Pen-y-Pass.
Cymharwch a gwerthuswch y wybodaeth a roddir ar y ddau banel.
Efallai yr hoffech chi ymweld â’r wefan i gael rhagor o wybodaeth:
www.eryri-npa.gov.uk/visiting/walking/snowdon
Gweithgaredd 3b
Mae Awdurdod y Parc Cenedlaethol yn rhoi cyngor ynghylch diogelwch mewn ardaloedd mynyddig mewn nifer o ffyrdd.
Un o’r rhain yw cyfres o ddarnau syml o gyngor sydd i’w gweld ar y paneli dehongli ar ddechrau pob llwybr i gopa’r Wyddfa.
Rhoddir gwybodaeth dan y penawdau canlynol: Cynllunio, Gwirio, Gwisgo a Cario. Rhoddir y wybodaeth mewn llai na 70 o eiriau!
Ysgrifennwch eich fersiwn chi o’r wybodaeth a fyddai, yn eich barn chi, yn cael ei darparu dan bob un o’r penawdau hyn, gan gadw at yr un terfyn o ran nifer y geiriau.
Plan your route beforehand - remember that coming down the mountain can be more difficult than going up.
Check the weather forecast - turn back in good time if the weather worsens.
Wear strong boots with a good tread and ankle support. Clothing should be waterproof, windproof and warm.
Carry an extra layer of clothing, food and drink and a torch. Take a map and compass with you and know how to use them.
Cliciwch ar y botwm uchod i weld union eiriad y byrddau dehongli.
Gweithgaredd 3c
Dyluniwch boster sy’n rhybuddio cerddwyr rhag peryglon cerdded ar y mynyddoedd yn y gaeaf.
Cliciwch ar y botwm isod i gymharu eich poster chi â’r poster mae Awdurdod Parc Cenedlaethol Eryri wedi’i ddylunio. Gwerthuswch y ddau boster.
Mae Awdurdod Parc Cenedlaethol Eryri yn cyflogi nifer o wardeniaid i reoli ymwelwyr yn y meysydd parcio ac ar y llwybrau troed ac i gynnig cyngor. Mae Alun Gruffydd yn egluro rôl allweddol y wardeniaid yn y meysydd parcio.
Gweithgaredd 4
Gan ddefnyddio’r cyswllt isod, nodwch ffyrdd mae gwaith y warden mynydd yn gysylltiedig â diogelwch pobl sy’n ymweld ag Eryri.
www.eryri-npa.gov.uk/education/introduction/looking-after-snowdonia/a-mountain-warden
Hefyd mae’r Awdurdod wedi cynhyrchu fideo sy’n rhoi gwybod i ymwelwyr am baratoi’n iawn ar gyfer cerdded yn Eryri yn ystod misoedd y gaeaf.
www.eryri-npa.gov.uk/visiting/authority-videos
Gweithgaredd 5
Gwerthuswch effeithiolrwydd y wybodaeth a roddir yn y fideo.
Mae Awdurdod y Parc Cenedlaethol hefyd yn trefnu amrywiaeth o deithiau cerdded a gweithgareddau eraill drwy ei ganolfan astudio ym Mhlas Tan y Bwlch. Os ydy Awdurdod y Parc Cenedlaethol yn darparu gweithgaredd ar gyfer y cyhoedd, mae lefel ei gyfrifoldeb yn cynyddu’n sylweddol.
Mae Alun Gruffydd yn egluro’r sefyllfa.
Yn y darn isod, mae Alun yn crynhoi’r berthynas gyfreithiol rhwng Awdurdod y Parc Cenedlaethol a’r ymwelwyr sy’n dewis cerdded yn ardal yr Wyddfa.
Gweithgaredd 6
Mae Alun yn cyfeirio at yr angen i ‘gydbwyso risg a mynediad (access)’. Eglurwch y gosodiad hwn.