Gweithgareddau Tir
Mae Sealyham yn cynnig dewis o 5 gweithgaredd tir:
- Llwybr rhaffau
- Dringo
- Saethyddiaeth
- Cerdded bryniau
- Hyfforddiant goroesi
Gweithgaredd 1
Paratowch gyflwyniad o’r pum gweithgaredd tir sy’n cael eu darparu yn Sealyham. Ar gyfer pob un o’r pum gweithgaredd:
- rhowch ddisgrifiad byr o’r gweithgaredd
- dewiswch ddelweddau priodol o’r banc delweddau i ddangos y gweithgaredd
- nodwch y peryglon posibl sy’n gysylltiedig â’r gweithgaredd
Mae’r clogwyni ar Arfordir Sir Benfro yn darparu llawer o gyfleoedd ar gyfer dringo creigiau.
Gweithgaredd 2
Cwblhewch y tabl o beryglon sy’n gysylltiedig â dringo creigiau.
Fel y mae gyda phob gweithgaredd awyr agored, mae’n hollbwysig i Sealyham bod gan yr hyfforddwyr a gyflogir gymwysterau addas.
http://www.rockclimbing.org.uk/content/how-become-rock-climbing-instructor-uk
Gweithgaredd 3
Defnyddiwch y cyswllt uchod i ymchwilio i’r amrywiaeth o gymwysterau sy’n ofynnol i fod yn hyfforddwr dringo creigiau.
Gwnewch ymchwil ychwanegol i ddarganfod mwy o wybodaeth am ofynion y cymwysterau ac ystyriwch gyfrifoldebau iechyd a diogelwch hyfforddwyr dringo creigiau.
Mae Sealyham yn cynnig nifer o ddewisiadau cerdded bryniau yn y ganolfan.
Gweithgaredd 4
Gan ddefnyddio’r cyswllt isod â gwefan Cymdeithas y Crwydrwyr, crynhowch y risgiau Iechyd a Diogelwch sy’n gysylltiedig â cherdded bryniau a’r rhagofalu y dylai cerddwyr ac arweinwyr grwpiau ei wneud cyn cychwyn ar daith gerdded.
http://www.ramblers.org.uk/info/practical/safety.htm#General
Mae’r gweithgareddau hyfforddiant goroesi a gynigir yng nghanolfan Sealyham yn debyg i weithgareddau eraill a gynigir mewn canolfannau antur eraill. Yn anaml iawn, bydd damweiniau’n digwydd ac mewn amgylchiadau eithriadol gallai rhywun farw.
http://www.hse.gov.uk/schooltrips/investigation/index.htm
Gweithgaredd 5
Defnyddiwch y cyswllt uchod i grynhoi:
- yr amgylchiadau a achosodd farwolaeth y plentyn oedd yn y ddamwain;
- prif gasgliadau’r adroddiad.