Mae’r delweddau yma’n annog dysgwyr i edrych yn ofalus ar godau genre a chonfensiynau genre.
Dydy teitlau’r ffilmiau a gwybodaeth am y ffilmiau ddim yn berthnasol yma, ond efallai y bydd y dysgwyr yn eu hadnabod nhw. Mae’r gweithgaredd yn gofyn i’r dysgwyr edrych yn fanwl ar y cliwiau gweledol i atgyfnerthu’r pwynt dysgu, sef bod gan genres set o gonfensiynau cyfarwydd/a rennir, hawdd eu hadnabod.
Gallai’r cliwiau gweledol yma gynhyrchu trafodaeth am y canlynol: lleoliadau nodweddiadol, mathau o gymeriadau, perthynas rhwng cymeriadau, gwisgoedd, sefyllfaoedd, eiconograffeg allweddol, codau technegol fel effeithiau arbennig, fframio’r ddelwedd a goleuo.
Mae’r lluniau llonydd yma’n dod o The Hunger Games [antur], 12 Years a Slave [cyfnod, hanesyddol, drama], The Woman in Black [arswyd], The Other Woman [comedi].
Mae genre'r term mor eang e.e. ffilm arswyd ond gallwn ni gategoreiddio ffilmiau’n fwy penodol a’u dosbarthu nhw mewn is-genres e.e. arswyd oruwchnaturiol neu arswyd ffuglen wyddonol, oherwydd gall ffilmiau o fewn is-genre gael eu nodweddion penodol eu hunain.
Gallwn ni adnabod genre drwy adnabod confensiynau. Mae rhai ffilmiau’n defnyddio elfennau o fwy nag un genre. Mae’r rhain yn genres hybrid ac yn gallu ehangu apêl ffilm i gynulleidfaoedd.
© The Hunger Games - AF archive / Alamy Stock Photo
© 12 Years of slave - Moviestore collection Ltd / Alamy Stock Photo
© The Woman in Black- AF archive / Alamy Stock Photo
© The Other Woman - Rex Features