Promoting core practice in Health and Social Care (Children and Young People) Hybu ymarfer craidd mewn Iechyd a Gofal Cymdeithasol (Plant a Phobl Ifanc)
Professional Practice as a health and social care worker – Working in partnership Ymarfer Proffesiynol fel gweithiwr iechyd a gofal cymdeithasol – Gweithio mewn partneriaeth

Partnership working in health and social care is the working together of agencies that have a share in the support of individuals who need to access health and social care services. The key principles of partnership working are shared values, agreed goals or outcomes for the individuals they support, and regular communication.

Workers can help encourage and improve partnership working by promoting key principles (for example shared values, agreed goals or outcomes for the individuals they support) and provide regular communication. Shared values within teams include commitment and enthusiasm, always having the interests of individuals at the heart of their work and being prepared to learn new things and adapt the way they work.

An understanding is required of the goals or outcomes the partnership is trying to achieve, and by when. It is important to make sure that everyone understands what is being agreed and what is expected of each other. When working in partnership, people should not act beyond their job scope. If they have any concerns about what is expected of them, or others, a conversation should be had with their manager. People should ensure they attend all meetings and appointments; be punctual and well-presented.

It is important to use jargon-free communication. Individuals, carers, family and friends, volunteers and individuals working in other agencies may not understand the language of other workplaces, so using it would put them at a disadvantage. Workers are encouraged to listen actively to each other and show that contributions are valued and confidentiality is maintained.

Mae gweithio mewn partneriaeth ym maes iechyd a gofal cymdeithasol yn golygu bod yr asiantaethau sy'n rhoi cymorth i unigolion y mae angen iddynt gael gafael ar wasanaethau iechyd a gofal cymdeithasol yn cydweithio. Mae egwyddorion allweddol gweithio mewn partneriaeth yn cynnwys gwerthoedd cyffredin, cytuno ar nodau neu ganlyniadau ar gyfer yr unigolion y maent yn rhoi cymorth iddynt, a chyfathrebu'n rheolaidd.

Mae gweithwyr yn gallu helpu i annog a gwella gweithio mewn partneriaeth wrth hyrwyddo egwyddorion allweddol (er enghraifft gwerthoedd ar y cyd, nodau neu ganlyniadau wedi eu cytuno ar gyfer yr unigolyn a gefnogant) a darparu cyfathrebu rheolaidd. Mae gwerthoedd ar y cyd o fewn timau yn cynnwys ymrwymiad a brwdfrydedd, bod â buddiannau unigolion wrth galon eu gwaith bob adeg a bod yn barod i ddysgu pethau newydd ac addasu'r ffordd maen nhw'n gweithio.

Mae angen dealltwriaeth o'r nodau neu ganlyniadau mae'r bartneriaeth yn ceisio eu cyflawni, ac erbyn pryd. Mae'n bwysig i sicrhau bod pawb yn deall beth sy'n cael ei gytuno a beth sy'n cael ei ddisgwyl o'i gilydd. Wrth weithio mewn partneriaeth ni ddylai pobl weithredu y tu hwnt i gwmpas eu swydd. Os oes ganddynt unrhyw bryderon ynglŷn â beth sy'n cael ei ddisgwyl ohonynt, neu eraill, dylid cael sgwrs gyda'u rheolwr. Dylai pobl sicrhau eu bod yn mynychu pob cyfarfod ac apwyntiad; bod yn brydlon a thrwsiadus.

Mae'n bwysig i ddefnyddio cyfathrebu heb jargon. Gallai unigolion, gofalwyr, teulu a ffrindiau, gwirfoddolwyr ac unigolion sy'n gweithio mewn asiantaethau eraill beidio â deall iaith gweithleoedd eraill, felly byddai ei defnyddio yn eu rhoi o dan anfantais. Mae gweithwyr yn cael eu hannog i wrando'n weithredol ar ei gilydd a dangos bod cyfraniadau yn werthfawr a chyfrinachedd yn cael ei gynnal.

Watch the video about partnership working.

Gwyliwch y fideo am weithio mewn partneriaeth.

In its simplest essence, to co-produce is to make something together. Co-production is not just a word, it's not just a concept, it is a meeting of minds coming together to find shared solutions.

Co-production is about developing more equal partnerships between people who use services, workers and professionals.

Co-produced services are effective, because individuals who use the service are central to its delivery.

Co-production can help make the best use of resources, deliver better outcomes for people who use services and carers, build stronger communities and develop citizenship.

Yn ei hanfod symlaf, cyd-gynhyrchu yw gwneud rhywbeth gyda’ch gilydd. Nid yw cyd-gynhyrchu yn air yn unig, nid yw'n gysyniad yn unig, mae'n gyfarfod meddyliau yn dod ynghyd i ddod o hyd i ddatrysiadau ar y cyd.

Mae cyd-gynhyrchu ynglŷn â datblygu partneriaethau mwy cyfartal rhwng pobl sy'n defnyddio gwasanaethau, gweithwyr a swyddogion proffesiynol.

Mae gwasanaethau wedi eu cyd-gynhyrchu yn effeithiol, oherwydd bod unigolion sy'n defnyddio'r gwasanaeth yn ganolog i'w ddarpariaeth.

Mae cyd-gynhyrchu yn gallu helpu i wneud y defnydd gorau o adnoddau, darparu canlyniadau gwell i bobl sy'n defnyddio gwasanaethau a gofalwyr, adeiladu cymunedau cryfach a datblygu dinasyddiaeth.

Watch this video about co-production.

Gwyliwch y fideo hwn am gyd-gynhyrchu.

A support or care worker works with individuals in all aspects of their day to day living, including social and physical activities, personal care, mobility and leisure activities. This might be in a care home, in individuals’ own homes or in the community. Workers who work in the community are sometimes called domiciliary carers, and their role often involves travelling to see several different people who all live in their own homes.

Mae gweithiwr cymorth neu ofal yn gweithio gydag unigolion ym mhob agwedd o'u bywyd o ddydd i ddydd, gan gynnwys gweithgareddau cymdeithasol a chorfforol, gofal personol, symudedd a gweithgareddau hamdden. Gallai hyn fod mewn cartref gofal, yng nghartrefi unigolion eu hunain neu yn y gymuned. Mae gweithwyr sy'n gweithio yn y gymuned weithiau yn cael eu hadnabod fel gofalwyr cartref, ac mae eu rôl yn aml yn golygu teithio i weld sawl person gwahanol sydd i gyd yn byw yn eu cartrefi eu hunain.

Management roles involve managerial responsibility where leaders are responsible for managing a small team or several teams, or perhaps they are the chief executive of an organisation.

A team leader or supervisor will lead or supervise a team of care workers to ensure they provide high quality care and support.

A registered manager will be responsible for the day to day running of the organisation, ensuring it meets standards and managing budgets and contracts.

A specialist practitioner might work in just one specific area of care, for example dementia or end of life care, and take responsibility for training staff and putting policies and procedures in place.

A social care prescriber links individuals with non-medical support in the community to improve their well-being and reduce social isolation.

A welfare rights officer advises individuals about issues like housing benefits, disability living allowances, employment benefits and how individuals can get help with their rent.

Mae gan rolau rheoli gyfrifoldeb rheoli lle mae'r arweinwyr yn gyfrifol am reoli tîm bach neu sawl tîm, neu o bosibl yn brif weithredwr sefydliad.

Bydd arweinydd tîm neu oruchwylydd yn arwain neu'n goruchwylio tîm o weithwyr gofal er mwyn sicrhau eu bod yn darparu gofal a chymorth o ansawdd uchel.

Bydd rheolwr cofrestredig yn gyfrifol am redeg y sefydliad o ddydd i ddydd, gan sicrhau ei fod yn cyrraedd safonau a rheoli cyllidebau a chontractau.

Gallai ymarferydd arbenigol weithio mewn un maes gofal penodol yn unig, er enghraifft dementia neu ofal diwedd oes, gan gymryd cyfrifoldeb dros hyfforddi staff a rhoi polisïau a gweithdrefnau ar waith.

Mae rhagnodwr gofal cymdeithasol yn cysylltu unigolion â chymorth anfeddygol yn y gymuned er mwyn gwella eu llesiant a lleihau unigedd cymdeithasol.

Mae swyddog hawliau lles yn rhoi cyngor i unigolion ar faterion megis budd-daliadau tai, lwfans byw i'r anabl, budd-daliadau cyflogaeth a sut y gall unigolion gael help gyda'u rhent.

Professional roles require the practitioner to be registered with a regulated body. This might include the requirement for relevant qualifications and ongoing updating of their knowledge and practice.

A social worker identifies the specific needs of individuals and offers them advice and support. They also work closely with social care workers and advise them in relation to the extra specialist care an individual might need.

Occupational therapists work with individuals with physical, mental or social disabilities to enable them to do everyday activities with the help of physical rehabilitation or additional, specialist equipment for daily living.

Nurses might be required to perform clinical tasks for individuals in a nursing or residential home or in the community.

There are also the important roles of support staff who do not provide active care functions, such as housekeepers, cooks and administrative support staff.

Er mwyn gweithio mewn rôl broffesiynol, rhaid i'r ymarferydd fod wedi'i gofrestru â chorff rheoleiddiedig. Gallai hyn gynnwys gofyniad i feddu ar gymwysterau perthnasol ac i ddiweddaru ei wybodaeth a'i ymarfer yn rheolaidd.

Mae gweithiwr cymdeithasol yn nodi anghenion penodol unigolion ac yn cynnig cyngor a chymorth iddynt. Mae hefyd yn gweithio'n agos â gweithwyr gofal cymdeithasol ac yn rhoi cyngor iddynt am y gofal arbenigol ychwanegol y gallai fod ei angen ar unigolyn.

Mae therapyddion galwedigaethol yn gweithio gydag unigolion ag anableddau corfforol, meddwl neu gymdeithasol i'w galluogi i ymgymryd â gweithgareddau cyffredin gyda chymorth gwasanaethau adsefydlu corfforol neu gyfarpar arbenigol ychwanegol ar gyfer bywyd bob dydd.

Gallai fod yn ofynnol i nyrsys ymgymryd â thasgau clinigol ar gyfer unigolion mewn cartref nyrsio neu gartref preswyl neu yn y gymuned.

Mae gan staff cymorth nad ydynt yn darparu swyddogaethau gofal gweithredol hefyd rolau pwysig, megis gweithwyr cadw tŷ, cogyddion a staff cymorth gweinyddol.

Multi-agency working means working across organisations to deliver services to individuals with health and social care needs. Working in this way is essential if individuals are to be offered the support they need, when they need it. It is about providing a seamless response to individuals with multiple and complex needs.

Multi-agency working works across the public, private and voluntary sectors. The partners involved will include the individuals requiring support, their carers, family and friends, colleagues and team members, other professionals, and individuals who are important to the individuals being supported, such as advocates and members of faith and support groups.

Ystyr trefniadau gweithio amlasiantaethol yw gweithio ar draws sefydliadau er mwyn darparu gwasanaethau i unigolion ag anghenion iechyd a gofal cymdeithasol. Mae trefniadau gweithio o'r fath yn hanfodol er mwyn gallu cynnig y cymorth sydd ei angen ar unigolion, pan fo'i angen arnynt. Mae'n ymwneud hefyd â darparu ymateb di-dor i unigolion ag anghenion lluosog a chymhleth.

Mae trefniadau gweithio amlasiantaeth i'w gweld ar draws y sector cyhoeddus, y sector preifat a'r sector gwirfoddol. Bydd y partneriaid sy'n rhan o'r trefniadau yn cynnwys yr unigolion y mae angen cymorth arnynt, eu gofalwyr, teulu a ffrindiau, cydweithwyr ac aelodau'r tîm, gweithwyr proffesiynol eraill, ac unigolion sy'n bwysig i'r unigolion sy'n cael cymorth, megis eiriolwyr ac aelodau o grwpiau ffydd a grwpiau cymorth.

Multi-agency working in health and social care is the coming together of agencies that have a share in the support of individuals who have care needs. The key principles of multi-agency working are shared values, agreed goals or outcomes for the individuals they support, and regular communication.

Multi-agency working is vital. It ensures resources are shared and brings together separate organisations so that they can benefit from pooled expertise and power sharing. The key focus of multi-agency working is to enhance the efficiency and quality of service provision.

Multi-agency working takes place when partnerships are formed between a number of individuals, agencies or organisations with a shared interest. There is usually an overarching purpose for partners to work together and a range of specific objectives. Partnerships are often formed to address specific issues and may be short or long term.

Gweithio amlasiantaethol mewn iechyd a gofal cymdeithasol yw asiantaethau yn dod ynghyd sydd â chyfran mewn cynorthwyo unigolion sydd ag anghenion gofal. Egwyddorion hanfodol gweithio amlasiantaethol yw gwerthoedd ar y cyd, nodau cytunedig neu ganlyniadau i'r unigolion a gynorthwyant, a chyfathrebu rheolaidd.

Mae trefniadau gweithio amlasiantaeth yn hanfodol. Maent yn sicrhau y caiff adnoddau eu rhannu a hefyd yn dod â sefydliadau unigol at ei gilydd er mwyn iddynt allu manteisio ar gronfa o arbenigedd a rhannu pŵer. Ffocws allweddol trefniadau gweithio mewn partneriaeth yw gwella effeithlonrwydd ac ansawdd y gwasanaethau a ddarperir.

Bydd trefniadau gweithio amlasiantaethol ar waith pan gaiff partneriaethau eu meithrin rhwng nifer o unigolion, asiantaethau neu sefydliadau â diddordeb cyffredin. Fel arfer, bydd diben trawsbynciol yn annog y partneriaid i gydweithio a cheir amrywiaeth o amcanion penodol. Caiff partneriaethau yn aml eu meithrin er mwyn ymdrin â materion penodol a gallant fod ar ffurf fyrdymor neu hirdymor.

Whilst it’s not appropriate to make personal disclosures in a professional working relationship, it is important to build a good rapport with individuals and their families/carers or advocates. This helps people feel relaxed and safe.

This doesn’t mean that workers need to treat individuals as friends, nor does it mean workers need to disclose personal things about themselves. Mentioning holiday plans, remembering birthdays and asking after grandchildren can create a deeper relationship to help get to know each other better, making working together easier and more efficient.

Er nad ydyw’n briodol i ddatgelu gwybodaeth bersonol mewn perthynas gwaith proffesiynol, mae’n bwysig datblygu perthynas dda gyda’r unigolion a’u teuluoedd/gofalwyr neu eiriolwyr. Mae hyn yn helpu pobl i ymlacio a theimlo’n saff.

Nid yw hyn yn golygu bod gweithwyr angen trin yr unigolion fel ffrindiau, nag bod angen i’r gweithwyr ddatgelu manylion personol am ei hunain wrthynt. Mae sôn am gynlluniau gwyliau, cofio pen-blwyddi a holi am wyrion ac wyresau yn gallu creu perthynas ddyfnach wrth iddynt ddod i nabod ei gilydd yn well. Bydd hyn yn gwneud y berthynas waith yn haws ac yn fwy effeithlon.

It is important that workers always remain professional. Sometimes this can be difficult for several reasons:

• There may be a personality clash.
• The worker is asked to do something outside their job role.
• The worker hasn’t been trained to do a certain task so might lack confidence.
• An activity the individual asks for is not written into their care and support plan, for example an individual asks a worker if she could go shopping for her as she needs some toiletries. The worker might only be there to help with breakfast.
• Something could compromise their integrity, such as being asked to disclose confidential information.

Think about what you would do in the above situations.

Mae'n bwysig fod gweithwyr yn aros yn broffesiynol bob adeg. Gall hyn fod am nifer o resymau:

• Gallai fod gwrthdaro personoliaeth.
• Gofynnir i'r gweithiwr wneud rhywbeth y tu allan i rôl ei swydd.
• Nid yw'r gweithiwr wedi cael ei hyfforddi i wneud tasg benodol felly gallai fod yn brin o hyder.
• Nid yw gweithgaredd mae'r unigolyn yn gofyn amdano wedi ei ysgrifennu i mewn i'w cynllun gofal a chymorth, er enghraifft mae unigolyn yn gofyn i weithiwr a allai hi fynd i siopa iddi gan fod angen rhai nwyddau ymolchi arni hi.
• Gallai'r gweithiwr fod yno i helpu gyda brecwast yn unig.
• Gallai rhywbeth gyfaddawdu eu cywirdeb, fel cael eu gofyn i ddatgelu gwybodaeth gyfrinachol.

Meddyliwch beth y byddech yn ei wneud yn y sefyllfaoedd uchod.

Effective work relationships are based on principles of care. This means that when workers support individuals with health and care needs, they must:

• show respect for individuals’ beliefs, opinions, life experiences and social, cultural and ethnic backgrounds
• shape the way they work around individuals' wishes, expectations and preferences
• support individuals’ rights to dignity, choice, privacy, independence, confidentiality, equality and fair treatment
• protect from harm whilst supporting their right to take risks
• communicate using a method of their choice
• support individuals in such a way that meets their specific needs.

Mae cydberthnasau gwaith effeithiol yn seiliedig ar egwyddorion gofal. Mae hyn yn golygu pan fydd gofalwyr yn rhoi cymorth i unigolion ag anghenion iechyd a gofal, rhaid iddynt wneud y canlynol:

• dangos parch tuag at gredoau, barn, profiadau bywyd a chefndiroedd cymdeithasol, diwylliannol ac ethnig unigolion
• llywio'r ffordd y maent yn gweithio yn seiliedig ar ddymuniadau unigolion, eu disgwyliadau a'u dewisiadau
• cefnogi hawliau unigolion mewn perthynas ag urddas, dewis, preifatrwydd, annibyniaeth, cyfrinachedd, cydraddoldeb a thriniaeth deg
• eu diogelu rhag niwed gan gefnogi eu hawl i gymryd risgiau ar yr un pryd
• cyfathrebu gan ddefnyddio dull o'u dewis
• cefnogi unigolion mewn ffordd sy'n diwallu eu hanghenion penodol.

There are a number of reasons personal relationships can end. Individuals can become resentful, dissatisfied or incommunicative. There may be a lack of integrity, or the trust has gone.

It is vital that individuals using health and social care services don’t lose their trust in and feel betrayed by workers on whom they depend; best practice in a health and social care setting is built on the honesty of work relationships.

Each working relationship will have different requirements of health and social care professionals, but in order to build trust they need to be:

• a clear communicator, both verbally and in writing
• polite, reliable, trustworthy, responsible, well organised and a good time-keeper
• able to get on with and co-operate with others
• able to use their initiative and work under pressure
• able to take, follow and give instructions
• willing to learn new skills and develop their understanding.

Mae nifer o resymau pam y gall cydberthnasau personol ddod i ben. Gall unigolion ddechrau teimlo'n ddig, yn anfodlon neu'n dawedog. Gall fod diffyg uniondeb, neu efallai na fyddant yn gallu ymddiried yn ei gilydd mwyach.

Mae'n hanfodol na fydd unigolion sy’n defnyddio gwasanaethau iechyd a gofal cymdeithasol yn colli'r gallu i ymddiried yn y gweithwyr y maent yn dibynnu arnynt nac yn teimlo eu bod wedi'u bradychu. Mae ymarfer gorau mewn lleoliad iechyd a gofal cymdeithasol yn seiliedig ar onestrwydd cydberthnasau gwaith.

Bydd pob cydberthynas waith yn gosod gwahanol ofynion ar weithwyr iechyd a gofal cymdeithasol proffesiynol, ond er mwyn meithrin ymddiriedaeth, mae angen iddynt sicrhau'r canlynol:

• eu bod yn cyfathrebu'n glir, ar lafar ac yn ysgrifenedig
• eu bod yn gwrtais, yn ddibynadwy, yn hawdd ymddiried ynddynt, yn gyfrifol, yn drefnus ac yn brydlon
• y gallant gyd-dynnu a chydweithredu ag eraill
• y gallant ddefnyddio eu blaengaredd a gweithio o dan bwysau
• y gallant dderbyn, dilyn a rhoi cyfarwyddiadau
• eu bod yn barod i ddysgu sgiliau newydd a meithrin eu dealltwriaeth.

Confidentiality is an important principle that makes individuals feel able to tell workers about their concerns and to ask for help. However, the right to confidentiality cannot always be given. Sharing relevant information with the right individuals at the right time is vital to good safeguarding practice.

It is important to encourage individuals to share information; this will then not lead to the health and social care workers breaking the confidentiality agreement.

Assurances about absolute confidentiality should not be made.

It is important to clearly explain to the individual and their carer why this information must be shared, who will be told, when, and how. If the information relates to the carer, they must not be involved in this discussion.

The result of sharing this information could be huge. For example, if an individual is at risk from further harm or abuse, this could be carried out at any time. The individuals and their carers need to be aware who is being informed and when. They may need to be removed to a place of safety.

It is important to follow the workplace policies and procedures at all times, and to seek help and guidance if they are unsure about any aspect of passing on confidential information.

Mae cyfrinachedd yn egwyddor pwysig sy'n gwneud i unigolion deimlo eu bod yn gallu dweud wrth weithwyr am eu pryderon ac i ofyn am help. Fodd bynnag, nid oes modd rhoi'r hawl i gyfrinachedd bob tro. Mae rhannu gwybodaeth berthnasol gyda'r unigolion cywir ar yr adeg gywir yn hanfodol i ymarfer diogelu da.

Mae'n bwysig i annog unigolion i rannu gwybodaeth; fydd hyn wedyn ddim yn arwain at weithwyr iechyd a gofal cymdeithasol yn torri'r cytundeb cyfrinachedd.

Ni ddylai sicrwydd am gyfrinachedd absoliwt gael ei addo.

Mae'n bwysig i esbonio'n glir i'r unigolyn a'i ofalwr pam fod rhaid i'r wybodaeth hon gael ei rhannu, wrth bwy fydd hyn yn cael ei ddweud, pryd, a sut. Os yw'r wybodaeth yn berthynol i'r gofalwr, mae'n rhaid iddo beidio â chael ei gynnwys yn y drafodaeth hon.

Gallai canlyniad rhannu'r wybodaeth hon fod yn enfawr. Er enghraifft, os yw unigolyn mewn perygl o niwed neu gamdriniaeth ychwanegol, gallai hyn gael ei gyflawni ar unrhyw adeg. Mae angen i'r unigolion a'u gofalwyr fod yn ymwybodol pwy sy'n cael gwybod a phryd. Gallai fod angen iddynt gael eu symud i fan diogel.

Mae'n bwysig i ddilyn polisïau a gweithdrefnau'r gweithle ar bob adeg, ac i geisio cymorth a chyfarwyddyd os ydynt yn ansicr ynglŷn ag unrhyw agwedd o drosglwyddo gwybodaeth gyfrinachol.