Les Miserables

Y ddrama gerdd fwyaf poblogaidd ers 1980

Mae gennych bum munud i ddarganfod pum ffaith am Les Miserables.

Ffeithiau

Ei ffugenw yw ‘The Glums ‘

Mae wedi cael ei gynhyrchu mewn 44 gwlad

Mae’n seiliedig ar nofel gan Victor Hugo

Roedd y beirniaid yn ei gasáu ar y dechrau

Mae 392 o wisgoedd ym mhob perfformiad

Mae wedi cael ei gyfieithu i 22 iaith gan gynnwys y Gymraeg

Bu’r perfformiad cyntaf yn Gymraeg yn 2005

Mae yna 101 o bobl ynghlwm a bob perfformiad

Mae wedi ennill dros 140 o wobrwyon

Dyma’r ddrama gerdd i aros hiraf mewn un dinas – Llundain

Pam fod y sioe yma mor boblogaidd?

Mae’r ddrama gerdd yn seiliedig ar nofel Victor Hugo – ‘Les Miserables’.

Mae’n stori am gariad, tlodi, gwrthryfel, crefydd a daioni.

Mae’n dilyn nifer o gymeriadau gwahanol ym Mharis yn yr 1830au.

Ysgrifennwyd y sioe gan Boubil a Schonberg a’i gynhyrchu gan yr RSC a Cameron Macintosh.

Y cyfarwyddwr oedd Trevor Nunn a’r dylunydd oedd John Napier.

Perfformiwyd y sioe am y tro cyntaf yn Hydref 1985.

Mae’r sioe yn llawn caneuon mawr, golygfeydd dramatig, brwydrau a stori sydd yn dal dychymyg y gynulleidfa er ei fod yn 3 awr o hyd!

Caneuon

Mae nifer o ganeuon enwog yn y sioe:

On my own
I dreamed a dream
God on high
Empty chairs at empty table
Do you hear the people sing?
One day more
Master of the house

On My Own – Fi Fy Hun

Mae’r gân hon yn cael ei chanu gan Eponine sydd mewn cariad â Marius ond mae ef mewn cariad â Cosette. Yn y gân yma mae Eponine yn agor ei chalon i'r gynulleidfa.

Gwyliwch y clip ac yna atebwch y cwestiynau.

Ysgrifennwch y geiriau rydych chi’n cofio o’r gân.
Disgrifiwch sut mae'r actor yn cyfathrebu teimladau'r cymeriad i'r gynulleidfa. Dylech ystyried ei defnydd o ystumiau a mynegiant wynebol, symudiadau, tôn a thempo'r llais.

Gwyliwch y gân eto .

Disgrifiwch sut mae yr actor yn perfformio y gân.

Meddwyliwch am safiad, symudiadau, pwyslais y geiriau, amrywiaeth y sain a’r mynegiant wynebol.

Master of the House – Gŵr y Tŷ

Mae hi’n gân ysgafn sy'n rhoi cyfle i’r gynulleidfa chwerthin. Rydym yn cyfarfod a'r Thenadiers am y tro cyntaf sydd yn gymeriadau bywiog, hwyliog a drygionus iawn. Ond gan eu bod yn dlawd maent yn byw ar gyrion cymdeithas a heb ddewis ond i fyw trwy dwyllo.

Gwyliwch y clip ac yna atebwch y cwestiynau.

Trafodwch sut mae'r ddau actor yn cyfleu teimladau'r cymeriadau i'r gynulleidfa.
Sut mae'r gwisgoedd a'r colur yn ychwanegu at naws yr olygfa?
Beth yw rôl y corws yn yr olygfa hon?

John Owen-Jones

One Day More – Fory Ddaw

Gwyliwch y gân sy'n uchafbwynt i Act 1.

Mae pob prif gymeriad a’r corws ar y llwyfan yn canu am eu dyheadau.

Gwyliwch y clip ac yna nodwch beth yw eich barn am sut y caiff y gân ei llwyfannu.