Pan fyddwch chi'n meddwl am y Nadolig, beth sy'n dod i'ch meddwl? Ysgrifennwch eich syniadau i gyd ar y bwrdd a chliciwch ar y botwm 'Dangos awgrymiadau' i sgrolio trwy'r delweddau. Ydy'r rhain yn cyfateb i'ch syniad chi o'r Nadolig?

Edrychwch ar bob un o'r delweddau eto. Pa rai ydych chi'n meddwl sy'n cynrychioli stori'r Nadolig a pha rai sy'n gynrychioliadau diwylliannol o'r Nadolig? Esboniwch eich dewisiadau i'r dosbarth.

Faint ydyn ni wir yn gwybod am stori'r geni? Mae'r Nadolig wedi troi'n 'feddal a diniwed', yn rhamantaidd ac yn sentimental, ond mae'n debyg nad dyma oedd bwriad yr 'awduron'. Yn wir, mae stori'r Nadolig yn cynnwys themâu sydd rhywfaint yn 'dywyllach' ac yn wahanol iawn i'r hyn yr ydym wedi arfer ag o. Faint o'r themâu hyn y gallwch chi eu hadnabod?