Pa ffactorau sy'n dylanwadu ar yr hyn rydych yn ei goginio a'i fwyta? Mae gallu coginio amrywiaeth o brydau sawrus yn golygu ein bod yn gallu bwyta deiet iach ac amrywiol a'i gynnig i bobl eraill. Mae sawl ffactor sy'n dylanwadu ar ba ryseitiau rydych yn dewis eu coginio.
Cyllideb

Bydd swm yr arian sydd ar gael yn penderfynu ar y cynhwysion byddwch yn eu dewis.

Dewiswch ddarnau rhatach o gig a choginio'n araf i gael cig blasus a brau. I leihau costau, ychwanegwch ffa, corbys a llysiau at brydau.

Y Gegin

Sicrhewch fod digon o le i baratoi a choginio eich rysáit.

Gwiriwch fod gennych yr holl gyfarpar angenrheidiol i wneud y rysáit.
Repertoire Rysáit

Meddyliwch am ryseitiau rydych wedi eu gwneud yn y gorffennol a sut gallech eu haddasu. Dewiswch rysáit newydd i ehangu eich repertoire.
Sgiliau Bwyd

Ystyriwch y sgiliau paratoi bwyd sydd gennych eisoes a pha sgiliau fydd yn eich herio, gan sicrhau eich bod yn gweithio mewn modd diogel a hylan.

Ystyriwch pa ddulliau coginio.
Achlysuron

Paratowch brydau arbennig ar gyfer dathliadau fel penblwyddi, priodasau a digwyddiadau crefyddol.
Crefydd a Diwylliant

Mae rhai crefyddau yn gwahardd bwyd penodol neu gall fod angen paratoi bwyd mewn modd arbennig. Gall rai diwylliannau fod â'u bwydydd traddodiadol eu hunain.
Cynhwysion

Yn gynyddol, mae defnyddwyr yn dewis cynhwysion yn ôl eu tymor, materion moesegol, safonau llesiant, cynlluniau gwarantu a dulliau cynhyrchu.

Mae llawer hefyd yn siopa am fwyd wedi'i gynhyrchu'n lleol neu yn tyfu bwyd eu hunain.

Dewisiadau

Mae gan bawb eu dewisiadau eu hunain yn seiliedig ar ymddangosiad, arogl, blas a gwead bwyd a diodydd.
Amser

Dewiswch rysáit y mae gennych ddigon o amser i'w baratoi, coginio a gweini.

Dewiswch saig i'w choginio a fyddai'n addas i'r amser o'r dydd y bydd yn cael ei gweini, e.e. brecwast, cinio a swper.
Deiet ac Iechyd

Gwnewch brydau iachus, cytbwys yn seiliedig ar argymhellion bwyta'n iach cyfredol ar gyfer cyfnodau bywyd gwahanol.

Byddwch yn ymwybodol o unrhyw anghenion deietegol a all effeithio ar y dewis o fwyd.


Cydnabyddiaethau