Cyfryngau - Cynrychioliad
Heavy Rain

Mae'r dirlawnder du a gwyn, gan gynnwys y cod symbolaidd ar gyfer yr aderyn origami yn dynodi'r genre trosedd, yn benodol y genre cyffrous. Mae hyn yn cael ei atgyfnerthu'n bellach gan y glaw sy'n goruchafu mise en scène.

Y cymeriad benywaidd yw'r arwyddwr allweddol, yn awgrymu mai hi yw'r ymgyrchwr.

Mae pob cymeriad yn defnyddio sylliad anuniongyrchol, confensiwn nodweddiadol o'r genre cyffro.

Mae cod gwisg y cymeriadau gwrywaidd hefyd yn cyd-fynd â'r genre trosedd. Gwisgai bob un siwtiau du, cynrychioliad nodweddiadol o lwyddiant a chryfder. Mae codau eu mynegiannau wynebol yn bendant ac mae'r gwn yn god gweithredol (Barthes) sy'n cynyddu disgwyliadau'r gynulleidfa. Mae cynrychioliad y dynion yn cyd-fynd â rhinweddau stereoteipiau gwrywaidd yn gysylltiedig â thrais a phŵer.

Mae sylw'r gynulleidfa'n cael ei dynnu at y cymeriad benywaidd. Mae ei gwallt byr a'i hedrychiad naturiol yn cyd-fynd â'r stereoteip o fenyw gref. Yn ychwanegol, mae ei chod gwisg o fest plaen yn gonfensiwn o arwr gweithredol benywaidd, a sefydlwyd yn gyntaf gan Ellen Ripley ym masnachfraint Alien. Serch hyn, mae ystum y cymeriad wedi'i rywioli ac mae'n cyd-fynd â'r ddelwedd nodweddiadol a delfrydol o ffigur fain a breichiau cyhyrog. Mae sylw'n cael ei dynnu at ei brest o ganlyniad i'r top tynn a'r goleuo canolbwyntiedig.

Crëwyd tri chlawr gwahanol ar gyfer rhyddhad y gêm. Y clawr Americanaidd oedd yr unig un i gynnwys y cymeriad benywaidd. Gellir gwneud ymchwiliad pellach i mewn i strategaethau marchnata.