Dadansoddi symudiadau

Cyflwyniad

Er mwyn deall sut i wella'n dechnegol, rhaid i'r athletwr neu'r hyfforddwr ddeall cydrannau'r model technegol a'r symudiadau sy'n cyfrannu at berfformiad llwyddiannus.

Cynnwys

  • Cymalau ac ymgymalu
  • Planau ac echelinau cylchdro
  • Patrymau symud
  • Liferi

Cic bifodol - Gan ddefnyddio'r wybodaeth a roddir, dadansoddwch berfformiad y 'ciciwr'

  1. Yr esgyrn yn ymgymalu yn y pen-glin a'r penelin

  2. Dosbarthiad y cymal yn y pen-glin a'r penelin

  3. Planau symud wrth gicio

  4. Nodwch y symudiadau sy'n digwydd yn (y coesau a'r breichiau)

  5. Dosbarthiad lifer yn y pen-glin

Cymalau ac ymgymalu:

Mae gwybodaeth am y system sgerbydol a sut mae'n gweithio yn ein helpu i ni i ddeall symudiadau ac yn egluro sut mae sgiliau'n cael eu perfformio. Mae'r symudiadau posibl ym mhob cymal neu bwynt ymgymalu (lle mae dau asgwrn neu fwy yn cyfarfod) yn gallu helpu hyfforddwyr i ddeall y broses o ddatblygu sgiliau a gwella perfformiad.

Cymalau

Caiff cymalau sgerbydol eu dosbarthu yn ôl eu nodweddion strwythurol a swyddogaethol (faint o symud sydd ganddyn nhw a'r math o symud).

Cymalau (dosbarthiadau strwythurol)

  • sefydlog (ffibrog) – e.e. y benglog
  • cartilagaidd – e.e. fertebrâu
  • synofaidd – e.e. ysgwydd, pen-glin

Cymalau synofaidd

Dyma'r cymalau mwyaf cyffredin yn y system sgerbydol ddynol. Mae yna geudod yn y cymal ac mae ligamentau'n dal yr esgyrn sy'n ymgymalu gyda'i gilydd. Mae'r cymalau hyn yn symud yn rhydd.

% of maximum rate of energy production

Synovial Joint Structure

  • Ceudod synofaidd - gofod llawn hylif sy'n gwahanu'r esgyrn sy'n ymgymalu.
  • Hylif synofaidd - yn iro'r cymal ac yn rhoi maeth i'r cartilag cymalol.
  • Cartilag cymalol - mae cartilag hyalin yn gorchuddio'r arwynebau cymalol; mae'n lleihau ffrithiant ac yn gweithredu fel siocleddfwr.
  • Ligamentau - yn cysylltu un asgwrn â'r llall; yn sefydlogi'r cymal.
  • Tendonau - yn cysylltu'r asgwrn â'r cyhyryn; yn galluogi symudiad.

Mathau o Gymalau Synofaidd

Cymal Synofaidd Adeiledd Symudiad Enghraifft
Pelen a chrau Triechelog, mwyaf symudol Plygu/estyn, alldynnu/atynnu, cylchdroi, cylchddwytho clun
ysgwydd
Colfach Unechelog, un plân Plygu/estyn Penelin
pen-glin
Colyn Unechelog, un plân Cylchdroi gwddf - atlanto-echelog
Llithro Esgyrn yn llithro heibio'i gilydd carpalau, tarsolau
Cambylaidd/elipsoid Dwyechelinol - dau blân Plygu/estyn, alldynnu/atynnu arddwrn - radio-carpalau

Dadansoddi symudiadau

Er mwyn deall perfformiad chwaraeon, mae angen i ni allu disgrifio symudiad y corff dynol. Gan ddefnyddio planau ac echelinau symud a gweithredoedd cymalau, gallwn ddisgrifio perfformiad a deall y ffordd mae pobl yn symud.

Planau symud

Planau symud: Mae yna 3 phlân anatomegol dychmygol sy'n cyfarfod yng nghraidd disgyrchiant y corff, gan rannu'r corff yn rhannau cyfartal.

% of maximum rate of energy production

Mae'r rhan fwyaf o symudiadau mewn chwaraeon yn digwydd mewn sawl plân. Fodd bynnag, mae rhai symudiadau yn fwy planar (mewn un plân) nag eraill.

Pan mae symudiad mewn un plân, mae'n golygu nad oes yr un rhan o'r corff yn croesi o un ochr o'r plân i'r llall yn ystod y symudiad.

Echelinau symud

Mae yna 3 echelin anatomegol dychmygol sy'n cyfarfod yng nghraidd disgyrchiant y corff. Yn y rhan fwyaf o weithredoedd chwaraeon, mae symud yn ymwneud â mwy nag un echelin.

% of maximum rate of energy production

Patrymau Symud

Gan ddefnyddio'r planau ac echelinau symud a gweithredoedd cymalau, gallwn ddisgrifio perfformiad a deall y ffordd mae pobl yn symud.

Cymal Symudiad Plân Echelin Enghraifft
Colfach – penelin Plygu/estyn Saethol Traws Cyrlio'r cyhyryn deuben
Pelen a chrau – ysgwydd Plygu/estyn Plygu - breichiau i fyny Saethol Traws Neidio yn y lein
Pelen a chrau ysgwydd Alldynnu - i ffwrdd Atynnu - tuag at Talcennol Talcennol Olwyn dro
Pelen a chrau – ysgwydd Cylchddwytho - cyfuniad o symudiadau Talcennol/Traws Talcennol/Traws Bowlio
Pelen a chrau – ysgwydd Cylchdroi - troi Traws Hydredol Gyrru pêl golff
Pelen a chrau – ysgwydd Alldynnu/atynnu llorweddol Traws Traws Disgen
Elipsoid - pigwrn Cefnblygu-bodiau i fyny Plygu gwadnol - wedi'u pwyntio Saethol Traws Naid hir neu gymnasteg
Elipsoid - arddwrn Pronadu - cledr i lawr Dyleddfu - cledr i fyny Saethol Talcennol Disgen Rhowlio pêl

Liferi

Mae liferi yn ein galluogi i greu symudiad sy'n fwy na'r grym a ddefnyddir. Mae'r sgerbwd yn ffurfio system o liferi sy'n caniatáu i ni symud.

Swyddogaethau liferi:

  • Cynyddu'r llwyth y gall ymdrech benodol ei symud;
  • Cynyddu'r cyflymder y mae'r corff yn symud.

Mae liferi'n cynnwys tair cydran:

  • Ffwlcrwm (colyn) - cymal
    • Y pwynt y mae'r lifer yn cylchdroi (colynnu) o'i amgylch
  • Ymdrech (grym) - cyhyrau
    • Y man lle rhoddir y grym (ymdrech)
  • Llwyth (gwrthiant)
    • Lleoliad y llwyth/pwysau sy'n cael ei symud/codi

Mae tri dosbarth o liferi:

Lifer dosbarth 1, e.e. gwddf - penio'r bêl

% of maximum rate of energy production

Lifer dosbarth 2, e.e. pigwrn - plygu gwadnol

% of maximum rate of energy production

Lifer dosbarth 3, e.e. pen-glin yn cicio pêl

Dyma'r lifer mwyaf cyffredin yn y corff dynol ac mae'n cynyddu gallu'r corff i symud yn gyflym; serch hynny, nid yw'n gallu cymhwyso grym yn effeithlon.

% of maximum rate of energy production

Mantais fecanyddol

Mae'r rhan fwyaf o'r liferi yn y corff yn liferi dosbarth 3; mae hyn yn golygu:

  • bod anfantais fecanyddol;
  • bod modd symud y llwyth yn gyflym;
  • felly, os yw'r fraich yn cael ei hestyn (braich gwthiant ar ei hiraf) wrth fowlio, mae mwy o gyflymder yn y pwynt gwrthiant ac mae'r bêl yn cael ei rhyddhau yn gynt.

Cipolwg cyflym

  • Er mwyn deall sut mae gwella'n dechnegol, rhaid i'r athletwr neu'r hyfforddwr ddeall cydrannau'r model technegol a'r symudiadau sy'n cyfrannu at berfformiad llwyddiannus.
  • Mae'r symudiadau posibl ym mhob cymal neu bwynt ymgymalu (lle mae dau asgwrn neu fwy yn cyfarfod) yn gallu helpu hyfforddwyr i ddeall y broses o ddatblygu sgiliau a gwella perfformiad.
  • Cymalau synofaidd yw'r cymalau mwyaf cyffredin yn y system sgerbydol ddynol. Mae yna geudod yn y cymal ac mae ligamentau'n dal yr esgyrn sy'n ymgymalu gyda'i gilydd. Mae'r cymalau hyn yn symud yn rhydd.
  • Mae yna 3 phlân anatomegol dychmygol sy'n cyfarfod yng nghraidd disgyrchiant y corff, gan rannu'r corff yn rhannau cyfartal: saethol, talcennol a thraws
  • Mae yna 3 echelin anatomegol dychmygol sy'n cyfarfod yng nghraidd disgyrchiant y corff. Y rhain yw: traws, talcennol a hydredol
  • Mae liferi yn ein galluogi i greu symudiad sy'n fwy na'r grym a ddefnyddir.
  • Mae'r rhan fwyaf o'r liferi yn y corff yn liferi dosbarth 3.