Dadansoddi perfformiad mewn chwaraeon– profi ffitrwydd

Cyfarpar angenrheidiol: dadansoddwyr ocsigen a charbon deuocsid, melin droedlath/cyclergomedr cywir. Gellir cadw aer a allanadlwyd a mesur y cyfaint gyda bagiau Douglas neu danc Tissot, neu ei fesur gyda pnuemotach neu fentilometr twrbein.

Disgrifiad/Gweithdrefn:

• Ymarfer yn cael ei berfformio ar ergometer priodol (melin droedlath neu feic).
• Llwythi gwaith yr ymarfer wedi’u dewis i gynyddu’n raddol mewn camau o’r cymedrol i’r dwyster uchaf.
• Trwy ddadansoddydd nwy, mae’r ocsigen a ddefnyddir yn cael ei gyfrifo o fesuriadau o ocsigen a charbon deuocsid yn yr aer a allanadlwyd a mân awyru, a phenderfynir ar y lefel uchaf ar ddiwedd y prawf neu yn agos at y pwynt hwnnw.
• Sgorio: Cyflwynir y canlyniadau unai fel l/mun (litrau’r funud) neu fel ml/kg/mun (ml o ocsigen fesul cilogram o bwysau’r corff y funud). Bernir bod athletwr wedi cyrraedd ei VO2max os ydy nifer o’r canlynol wedi digwydd: defnydd uchel cyson neu gormod o ddefnydd o ocsigen, curiad calon mwyafsymaidd wedi’i gyrraedd, cyrraedd cymhareb o 1.15 neu’n uwch o gyfnewid resbiradol (pan gynhyrchir mwy o garbon deuocsid na’r ocsigen a fewnanedlir.
• Manteision: Mesur yn gywir – mae’r prawf hwn yn mesur defnydd y corff o ocsigen lle mae profion eraill ond yn ei amcangyfrif. Gallwch hefyd fesur curiad cyflymaf y galon drwy gofnodi’r curiad yn ystod y prawf.
• Anfanteision: Yn gymharol, costau uchel ac yn cymryd llawer o amser.
• Sylwadau eraill: Yn aml, mae perfformiad systemau dadansoddi’n amrywio. Mae angen graddnodi manwl o ran y systemau mesur nwy ac awyru.
• Rhybudd: Prawf mwyafsymaidd yw hwn sy’n gofyn am lefel rhesymol o ffitrwydd. Nid yw’n cael ei argymell ar gyfer y rhai sy’n athletwyr amser hamdden na phobl sy’n dioddef problemau iechyd neu lefelau isel o ffitrwydd.

mae canlyniadau profion ffitrwydd aerobic yn amcangyfrif y sgôr VO2max o’u canlyniadau.

Cyfarpar angenrheidiol: tanc pwyso dur gwrthstaen, sy’n cynnwys cadair dan dŵr a chlorian, gwregys gyda phwysau arno a chlip trwyn.

• Disgrifiad/Gweithdrefn:
• Yn gyntaf, pwyso’r athletwr.
• Mae’r athletwr, yn gwisgo ychydig o ddillad, yn eistedd ar gadair arbenigol, yn gwaredu’r holl aer o’i ysgyfaint ac yn cael ei ollwng yn raddol i’r tanc hyd nes bod pob rhan o’i gorff o dan y dŵr.
• Rhaid i’r person aros yn llonydd o dan y dŵr tra bo’i bwysau’n cael ei gofnodi.
• Ailadroddir y broses hon sawl gwaith er mwyn cael mesur dibynadwy o’r pwysau dan y dŵr.
• Sgorio: (Does dim rhaid gwybod yr hafaliad yma ar gyfer yr arholiadau) Dwysedd y corff = Wa / (((Wa - Ww) / Dw) - (RV + 100cc)), lle mae Wa = pwysau’r corff (kg), Ww = pwysau’r corff mewn dŵr (kg), Dw = dwysedd y dŵr, RV = cyfaint yn weddill yn yr ysgyfaint (residual lung volume) a 100cc ydy’r cywiriad am yr aer sydd wedi’i gyfyngu yn y bibell gastroberfeddol. Gellir trosi dwysedd y corff (D) i ganran braster y corff (%BF) gan ddefnyddio’r hafaliad Siri.
• Manteision: Pwyso o dan y dŵr ydy’r prawf a ddefnyddir gan amlaf i fesur dwysedd y corff, ac yn y gorffennol, dyna oedd y maen prawf a ddefnyddiwyd ar gyfer mesuriadau anuniongyrchol eraill.
• Anfanteision: Mae’r cyfarpar a ddefnyddir i bwyso pobl o dan y dŵr yn ddrud. Lleolir y tanciau mewn prifysgolion neu sefydliadau ymchwil eraill ac yn gyffredinol, nid oes mynediad hawdd i bawb.
• Dilysrwydd: Gall y dull hwn amcangyfrif canran braster corff athletwyr yn rhy isel gan eu bod yn tueddu i feddu ar esgyrn a chyhyrau mwy dwys na phobl nad ydynt yn athletwyr.

505 Prawf ystwythder

Cyfarpar: gatiau dechrau/aros neu stopwatch, wyneb rhedeg gwrth-lithr, conau marcio neu llinellau.

• Disgrifiad/Gweithdrefn:
• Mae’r athletwr yn rhedeg o’r marciwr 15 metr at y llinell (pellter cynhesu er mwyn cyflymu) a thrwy’r marcwyr 5 m, yn troi ar y llinell ac yn rhedeg yn ôl trwy’r marcwyr 5m.
• Cofnodir yr amser o pryd y mae’r athletwr yn rhedeg trwy’r marciwr 5m am y tro cyntaf, ac yn aros pan mae’n dychwelyd trwy’r marcwyr hyn (hynny yw, yr amser mae’n ei gymryd i redeg y 5m yn ôl ac ymlaen – cyfanswm o 10m). Cofnodir y gorau o ddwy ymdrech.
• Dylid profi’r gallu i droi yn y ddau gymal. Dylid annog y perfformiwr i beidio â mynd yn rhy bell y tu hwnt i’r llinell gan y byddai hyn yn ychwanegu at ei amser.

Protocol y Prawf Wingate

• Mae’r Prawf Wingate yn disgwyl i berfformiwr seiclo i’w eithaf ar ergometr am 30 eiliad (ychwanegir 4.5% neu 7.5% o bwysau’r perfformiwr i’r olwyn flaen er mwyn cynnig mwy o wrthiant pedalu).
• Wrth ddechrau’r prawf (fel arfer dan gyfarwyddyd llafar gan y profwr), bydd yr unigolyn yn pedalu hyd ei eithaf heb unrhyw wrthiant.
• O fewn 3 eiliad, bydd y gwrthiant a fydd wedi’i benderfynu arno ymlaen llaw yn cael ei osod ar y chwylrod a bydd yn aros yno gydol y prawf 30 eiliad.
• Er bod y Prawf Wingate yn cael ei berfformio mewn cyfnod o 30 eiliad, disgwylir i’r unigolyn gynhesu (3-5 munud), a dod at ei hun (1-2 munud).
• Gwrthiant - Mae dau brif ergometr beic a ddefnyddir ar gyfer y Prawf Wingate
• Yr ergometr Fleisch a’r ergometr Monark diwygiedig.
• Gwrthiant yr ergometr Fleisch = 0.045 kg y cilogram o bwysau’r corff
• Gwrthiant yr eromentr Monark = 0.075 kg y cilogram of bwysau’r corff
• E.e. gydag athletwr sy’n pwyso 70 kg ar yr ergometr Monarch, byddai gwrthiant y chwylrod yn gyfwerth â 5.25 kg (70 x 0.075).

• Equipment required: start/stop timing gates or stopwatch non-slip running surface, cone markers or lines
• Description / procedure:
• Description / procedure:
• The athlete runs from the 15 meter marker towards the line (run in distance to build up speed) and through the 5 m markers, turns on the line and runs back through the 5 m markers.
• The time is recorded from when the athletes first runs through the 5 meter marker, and stopped when they return through these markers (that is, the time taken to cover the 5m up and back distance - 10 m total). The better of two trails is recorded.
• The turning ability on each leg should be tested. The performer should be encouraged to not overstep the line by too much, as this will increase their time.