Edrychwch ar y wybodaeth am Gravity o Box Office Mojo trwy glicio ar y cyswllt.
Roedd costau cynhyrchu Gravity tua $100 miliwn, ac mae'r ffilm wedi gwneud dros dair gwaith a hanner y gost honno, felly gwnaeth elw da. Defnyddiwch y tabl i roi'r rhesymau posibl am lwyddiant y ffilm mewn trefn.
Sêr – Sandra Bullock a George Clooney
Yr ymgyrch farchnata
Y defnydd o dechnoleg 3D
Cyfarwyddwr – Alfonso Cuaron
Sioe sinematig y ffilm
Naratif y ffilm.
Mae'n siŵr eich bod chi wedi rhoi lle uchel i rôl y sêr wrth asesu'r rhesymau am lwyddiant Gravity yn y swyddfa docynnau. Mae'n ymddangos bod rôl Sandra Bullock yn y ffilm wedi chwarae rhan allweddol yn ei llwyddiant masnachol. Mae hi wedi dod yn llawer mwy poblogaidd eto dros y blynyddoedd diwethaf, ac mae'n ymddangos mewn nifer o ffilmiau poblogaidd a llwyddiannus.
4b Y deg seren fwyaf
Mae nifer o asesiadau i'w hystyried wrth benderfynu pa mor fawr yw seren. Fe wnaeth y cylchgrawn ar-lein Vulture lunio rhestr o'r deg seren fwyaf yn 2013. Mae Vulture wedi seilio'r rhestr ar lawer o feini prawf: swyddfa docynnau UDA, y swyddfa docynnau dramor, gwerth i stiwdios, pa mor hoffus ydyn nhw, gwobrau Oscar, barn y beirniaid, sylwadau Twitter a gwerth i'r papurau poblogaidd (tabloids).
Pwy oedd deg seren ffilm fwyaf 2013, yn eich barn chi?
Trafodwch gyda phartner cyn clicio ar y cyswllt i weld detholiad Vulture. Yna, dylech chi ystyried y cwestiynau.
.
Cwestiwn 1: Cymharwch eich rhestr chi a rhestr Vultur. Ym mha ffyrdd maen nhw’n wahanol? Rhowch resymau am hyn.
Cwestiwn 2: Yn eich barn chi, pa sêr sydd ar goll o restr Vulture?
Cwestiwn 3: Pa ffilmiau, a gafodd eu rhyddhau yn 2013, sy'n gyfrifol am lwyddiant y sêr hyn?
Cwestiwn 4: A oes unrhyw beth yn y rhestr sydd yn eich synnu ynglŷn â rhyw ac oedran y sêr?
4c Sandra Bullock
Darllenwch y wybodaeth am Sandra Bullock sydd ar wefan Vulture trwy glicio ar y cyswllt, ac yna, o ystyried y wybodaeth hon, awgrymwch resymau pam mae Sandra Bullock mor llwyddiannus.
Mae hi'n apelio at ddynion a menywod.
O ran y gynulleidfa fenywaidd, nid yw hi'n fygythiad o ran ei hedrychiad (yn annhebyg i Jolie, er enghraifft).
Mae hi bellach yn ei 40au hwyr. Mae'n anarferol i seren fenywaidd yn Hollywood gael prif rannau pan fydd dros 40 oed.
Mae hi'n edrych yn unigryw iawn, ac mae hyn yn gwneud iddi sefyll allan.
Mae'n gallu chwarae mwy a mwy o rolau gwahanol – o ffilmiau comedi (The Heat) i ffilmiau difrifol (The Blind Side) ac mae hi wedi dangos ei bod hi'n gallu agor ffilm SFX cyllideb uchel (Gravity).
Yn yr un modd â sêr eraill ar y rhestr (Depp, Washington, Hanks, Pitt, DiCaprio, Downey Jnr) mae ganddi hirhoedledd ac mae hi'n gyfarwydd iawn â chynulleidfaoedd ffilm.
Mae hi wedi dangos lefelau uchel o allu wrth iddi addasu o'i rolau cynnar mewn ffilmiau comedi rhamantus ysgafn.
4c Ffilmiau Sandra Bullock
Gwyliwch y rhaghysbysebion ar gyfer ffilmiau Sandra Bullock trwy glicio ar y cysylltiadau, yna trafodwch y cwestiynau cyn edrych ar yr ymatebion posibl.
Cwestiwn 1
I ba raddau mae'r rhaghysbyseb yn defnyddio Sandra Bullock i werthu'r ffilm?
Cwestiwn 2
Ydych chi'n credu bod cynulleidfaoedd yn y gorffennol wedi meddwl mai ei rôl yn All About Steve (2009) yw'r math o rôl y dylai Sandra Bullock ei chwarae? A oes unrhyw broblemau â hyn yma?
Cwestiwn 3
Ar sail y rhaghysbyseb ar gyfer The Blind Side (2009), pam rydych chi'n credu yr enillodd Bullock Oscar am y rôl hon? Sut mae'n wahanol i'w ffilm arall y flwyddyn honno – All About Steve?
Cwestiwn 4
9Yn y rhaghysbyseb ar gyfer The Heat (2013), pa fath o rôl mae Bullock yn ei chwarae? A yw hyn yn wahanol i'n disgwyliadau arferol ohoni hi?
Mae Bullock wedi aeddfedu ers All About Steve, lle'r oedd hi'n chwarae rhan roedd hi'n rhy hen ar ei chyfer.
Yn The Blind Side, roedd hi'n chwarae person go iawn, ond roedd y ffilm yn ei rhoi hi mewn rôl famol hefyd, sef rôl y gwnaeth hi ei harchwilio ymhellach yn Gravity.
Mae gan y cymeriad benywaidd cryf sy'n gwneud y peth cywir yn y rhaghysbyseb ar gyfer The Blind Side dynfa emosiynol gryf sydd yn aml yn allweddol er mwyn ennill Oscar.
Yn y rhaghysbyseb ar gyfer The Heat, mae Bullock yn chwarae'r rôl ddifrifol nesaf at swyddog heddlu dros ben llestri McCarthy. Yn y rôl hon, mae popeth dan reolaeth ganddi ar y dechrau, ond yn araf, mae'n ymlacio yng ngoleuni natur anrhagweladwy ei phartner newydd. Mae hyn hefyd yn wahanol iawn i'w phersonoliaeth 'wahanol' yn All About Steve.
Mae Gravity yn pwysleisio sioe'r ffilm yn hytrach na chanolbwyntio ar berfformiad cryf Bullock. Fodd bynnag, mae'r ffilm yn dibynnu arni hi cymaint â'r dechnoleg i adrodd y stori. Allai'r rhaghysbyseb fod wedi bod yn wahanol?
