Mae partneriaethau yn debyg i fusnesau unig fasnachwyr yn y ffaith eu bod yn hawdd eu sefydlu ac nad oes rhaid llenwi unrhyw ffurflenni cymhleth.

Mae gan bartneriaethau atebolrwydd anghyfyngedig, ond gellir ei rannu rhwng y partneriaid, felly mae’r baich i bob partner unigol yn llai.

Gan fod mwy o berchenogion gellir rhannu’r llwyth gwaith rhwng y perchenogion. Bydd hynny’n lleihau’r pwysau i’r perchenogion ac efallai na fydd rhaid iddynt weithio cymaint o oriau.

Mae partneriaid yn dod â chyfalaf (arian) i’r busnes. Gyda mwy o fuddsoddi mae’n bosibl na fydd rhaid i’r busnes gael benthyg cymaint a bydd ganddo well siawns o lwyddo.

Bydd partneriaid gwahanol yn dod â gwahanol sgiliau i’r busnes felly bydd mwy o arbenigeddau yn y busnes. Er enghraifft, gallai un partner fod yn well am werthu a’r llall yn well am gadw cyfrifon.