Y FERCH WRTH Y BAR YNG NGHLWB IFOR |

Gweithgaredd 4: Nodweddion arddull ac effaith y nodweddion

Cyfarwyddiadau

Cliciwch ar ran o’r gerdd sydd wedi'i lliwio. Cliciwch ar y rhestr sy’n ymddangos i ddewis pa nodwedd arddull sydd yn y llinell dan sylw. Os oes angen cliw arnoch, cliciwch ar y botwm ‘Cliw?’ o dan y rhestr. Pan fyddwch wedi ateb yn gywir, ystyriwch yr ail gwestiwn sy’n ymddangos.

Y Ferch wrth y Bar yng Nghlwb Ifor

Yn fan hyn, aeafau’n ôl,
yn ddifaddau o feddwol,
fe’i gwelais; estynnais stôl.

Ordrais beint ar draws y bar
a’i gwylio, yn llawn galar,
yn ei sgert trwy’r mwg sigâr.

Yn ei llygaid tanbaid hi
roedd ’na gefnfor o stori,
a hyder a direidi

yn eu llawnder i’n herio,
trwy ryw wyrth, y dôi ein tro
ond a dal i’w lled-wylio …

Ym mrad yr edrychiadau,
yn sŵn ein dawns ni ein dau,
am ei swyn mi es innau

yn rhy ddedwydd freuddwydiol,
yn ddifaddau o feddwol,
yn fan hyn, aeafau’n ôl.

Rhys Iorwerth


. Pa nodwedd arddull sydd yma?
Allwch chi feddwl pam mae’n effeithiol?
Cliw?
Oes gwahaniaeth yn y ffordd mae'r bardd yn teimlo ar ddechrau ac ar ddiwedd y gerdd? Oes arwyddocâd arbennig i ailadrodd ‘fan hyn’? Beth yw arwyddocâd y ffaith ei fod yn yr un lle (‘fan hyn’) ond nid ar yr un amser (‘aeafau’n ôl’)?
Mae berfau’n gallu awgrymu symud. Ond pa fath o symud a awgrymir yma ar y dechrau? Oes symud mwy pendant yn nes ymlaen yn y gerdd? Ble mae’r bardd yn dweud hyn?
Meddyliwch beth mae tân yn ei gynrychioli. Beth sy’n debyg rhwng hynny a’r ferch wrth y bar?
Meddyliwch am gefnfor – ei faint a’i ddyfnder. Ydy hynny’n rhoi darlun llawnach i chi o’r math o stori fyddai gan y ferch? Beth rydych chi’n ei feddwl gallai’r stori honno fod?