Cyfarwyddiadau

Cliciwch ar ran o’r gerdd sydd wedi'i lliwio. Cliciwch ar y rhestr sy’n ymddangos i ddewis pa nodwedd arddull sydd yn y llinell dan sylw. Os oes angen cliw arnoch, cliciwch ar y botwm ‘Cliw?’ o dan y rhestr. Pan fyddwch wedi ateb yn gywir, ystyriwch yr ail gwestiwn sy’n ymddangos.

Rhaid Peidio Dawnsio …

Rhaid peidio dawnsio yng Nghaerdydd
rhwng wyth a deg y bore,
mae camerâu yr Heddlu Cudd
a’r Cyngor am y gore
yn edrych mas i weld pwy sydd
yn beiddio torri’r rheol
na chaiff neb ddawnsio yng Nghaerdydd
ar stryd na pharc na heol.

Mae dawnsio wedi deg o’r gloch
yn weithred a gyfyngir
i chwarter awr mewn ’sgidiau coch
mewn mannau lle’r hebryngir
y dawnswyr iddynt foch ym moch,
heb oddef stranc na neidio,
ac erbyn un ar ddeg o’r gloch
rhaid i bob dawnsio beidio.

Ond ambell Chwefror ar ddydd Iau,
pan fydd y niwl a’r barrug
yn fwgwd am y camerâu
fel bo’r swyddogion sarrug
yn swatio’n gynnes yn eu ffau
gan ddal diodydd poethion,
mae’r stryd yn llawn o naw tan ddau
o ddawns y sodlau noethion.

Emyr Lewis

. Pa nodwedd arddull sydd yma?

Allwch chi feddwl pam mae’n effeithiol?

Cliw?

Beth sy’n debyg am y lleoedd yma?

Pa un o’r rhain sy’n cael ei ganiatáu gan yr awdurdodau? Beth mae’r ’sgidiau yn ei gynrychioli felly? Ydy bod yn droednoeth yn rhoi rhyw neges i’r rhai mewn grym?

Beth mae mwgwd fel arfer yn ei gynrhychioli? Ydy mwgwd yn rhywbeth cadarnhaol neu negyddol yn yr enghraifft yma?

Pa fath o berson a ddisgrifir yma? Ydy hyn yn dweud rhywbeth wrthym am y gwahaniaeth rhwng y dawnswyr a’r rhai sy’n ceisio atal y dawnsio?

RHAID PEIDIO DAWNSIO … |

Gweithgaredd 4: Nodweddion arddull ac effaith y nodweddion

Cyfarwyddiadau