GWELD Y GORWEL |

Gweithgaredd 4: Nodweddion arddull ac effaith y nodweddion

Cyfarwyddiadau

Cliciwch ar ran o’r gerdd sydd wedi'i lliwio. Cliciwch ar y rhestr sy’n ymddangos i ddewis pa nodwedd arddull sydd yn y llinell dan sylw. Os oes angen cliw arnoch, cliciwch ar y botwm ‘Cliw?’ o dan y rhestr. Pan fyddwch wedi ateb yn gywir, ystyriwch yr ail gwestiwn sy’n ymddangos.

Gweld y Gorwel

Yn rehab y colli nabod — sŵn traed
sy’n troi’r awr ddiddarfod,
sŵn y byw diflasa’n bod.

Yn rehab, bod yw’r rheol, — bod drwy’r dydd,
bod drwy’r daith hunanol
wna druggie’n dod o’i rigol.

Yn rehab o dan label, — yn nheilchion
ergydion ei gawdel,
gwrid ei gariad yw gorwel.

Sŵn y dydd yw hi sy’n dod — o’r nosau,
rhanna ias cyfarfod,
y sŵn byw melysa’n bod.

Aneirin Karadog


. Pa nodwedd arddull sydd yma?
Allwch chi feddwl pam mae’n effeithiol?
Cliw?
Pa sŵn a glywir? Pa effaith mae hyn yn ei gael ar y bardd?
Beth ym mywyd y bardd sy’n ailadroddus, yn eich barn chi?
Beth mae gwrid ei gariad yn ei gynrychioli i’r bardd? Ydych chi’n meddwl ei fod eisiau cyrraedd y gorwel? Beth fydd yno pan fydd yn cyrraedd?
Beth mae nos a dydd yn ei gynrychioli i’r bardd? Pa bethau sy’n gysylltiedig â’r nos y gallech eu cysylltu â phrofiad y bardd o fod yn gaeth i gyffuriau?